Saroiren interfaze grafikoa

Saroi tresnaren helburu nagusia euskarazko esaldi erreal bati dagozkion mendekotasun-zuhaitzetan informazioa bilatzea edo kontsultatzea da. Hori egin ahal izateko, kontsulta-lengoaia bat definitua du Saroik, baina, kontsultak modu grafikoan eta Internet-en bidez egitea askoz ere atseginagoa litzateke. KBP honen helburua, Saroirako dagoeneko definituta dagoen interfaze grafikoa inplementatzea da. Interfazearen bitartez, kontsultak kontsulta-lengoaia erabiliz edo modu grafikoan egin ahal izango dira, eta emaitzak (analisi-zuhaitzak) bistaratu ahal izango dira.