13. Etiketatzaileen euskararako egokitzapena.

Desanbiguazio morfologikoaren ataza oso pauso garrantzitsua da lengoaia naturalaren prozesamenduan. Gaur egunean, hainbat etiketatzaileren inplementazioak publikoak dira eta tresna hauen aplikazioak euskararen desanbiguazioari ekar diezaiokeen onura aztertzea izango du helburu proiektu honek. Kasurik gehienetan ikasketa automatikoan oinarritzen diren etiketatzaileak dira, beraz, ikasleak, proiektua aurrera atera ahal izateko, teknika hauen azterketa burutu behar du, eskaintzen diren programak ulertu eta modu egokian aplikatu ahal izateko.