Ikasketa automatikoko algoritmoen aplikazioa eta konparaketa, euskarazko testuetan, izen sintagmak identifikatzeko.

Azken urtetan, ikasketa automatikoa oso erabilia da hizkuntzaren tratamenduan. Euskararen kasuan, hainbat aplikazio egin dira teknika hauek erabiliz: testuen sailkapena, entitateen identifikazioa eta sailkapena, ... Proiektu honen helburua ikasketa automatikoko teknika hauek ataza berri bati aplikatzea da, izen sintagmaren identifikazioari, hain zuzen ere.

Proiektu honen lehenengo urratsa, ikasketa automatikoko algoritmoak erabili beharko dituen ezaugarriak definitzea izango da. Hori zehaztu ondoren, algoritmo desberdinak proba daitezke bakoitzaren portaera aztertuz. Egokiena bilatu ondoren, interfaze bat defini daiteke esaldi edo testu bat emanda, bertako izen sintagmak bilatzeko.

Erabiliko den softwarea, WEKA Ikasketa automatikorako tresna izango da.